RV6 has a pair of verses that appear to be direct antecedants of the Pucchāmi taṃ form in the parayanavagga and elsewhere in the Pali.
6.021.06a tám pr̥chánto ávarāsaḥ párāṇi
6.021.06b pratnā́ ta indra śrútiyā́nu yemuḥ
6.021.06c árcāmasi · vīra brahmavāho
6.021.06d yā́d evá vidmá tā́t tvā mahā́ntam
and
6.022.05a tám pr̥chántī vájrahastaṃ ratheṣṭhā́m
6.022.05b índraṃ vépī vákvarī yásya nū́ gī́ḥ
6.022.05c tuvigrābháṃ tuvikūrmíṃ rabhodā́m
6.022.05d gātúm iṣe nákṣate túmram ácha
6.21 is worth reproducing in full:
6.021.01a imā́ u tvā purutámasya kārór
6.021.01b háviyaṃ vīra háviyā havante
6.021.01c dhíyo ratheṣṭhā́m ajáraṃ návīyo
6.021.01d rayír víbhūtir īyate vacasyā́
6.021.02a tám u stuṣa índaraṃ+ yó vídāno
6.021.02b gírvāhasaṃ · gīrbhír yajñávr̥ddham
6.021.02c yásya dívam áti mahnā́ pr̥thivyā́ḥ
6.021.02d purumāyásya riricé mahitvám
6.021.03a sá ít támo avayunáṃ tatanvát
6.021.03b sū́riyeṇa vayúnavac cakāra
6.021.03c kadā́ te mártā amŕ̥tasya dhā́ma
6.021.03d íyakṣanto ná minanti svadhāvaḥ
6.021.04a yás tā́ cakā́ra sá kúha svid índraḥ
6.021.04b kám ā́ jánaṃ carati kā́su vikṣú
6.021.04c kás te yajñó mánase śáṃ várāya
6.021.04d kó arká indra katamáḥ sá hótā
6.021.05a idā́ hí te véviṣataḥ purājā́ḥ
6.021.05b pratnā́sa āsúḥ purukr̥t sákhāyaḥ
6.021.05c yé madhyamā́sa utá nū́tanāsa
6.021.05d utā́vamásya puruhūta bodhi
6.021.06a tám pr̥chánto ávarāsaḥ párāṇi
6.021.06b pratnā́ ta indra śrútiyā́nu yemuḥ
6.021.06c árcāmasi · vīra brahmavāho
6.021.06d yā́d evá vidmá tā́t tvā mahā́ntam
6.021.07a abhí tvā pā́jo rakṣáso ví tasthe
6.021.07b máhi jajñānám abhí tát sú tiṣṭha
6.021.07c táva pratnéna yújiyena sákhyā
6.021.07d vájreṇa dhr̥ṣṇo ápa tā́ nudasva
6.021.08a sá tú śrudhi indara+ nū́tanasya
6.021.08b brahmaṇyató · vīra kārudhāyaḥ
6.021.08c tuváṃ hí āpíḥ pradívi pitr̥̄ṇā́ṃ
6.021.08d śáśvad babhū́tha suháva aíṣṭau
6.021.09a prá ūtáye váruṇam mitrám índram
6.021.09b marútaḥ kr̥ṣva ávase no adyá
6.021.09c prá pūṣáṇaṃ víṣṇum agním púraṃdhiṃ
6.021.09d savitā́ram óṣadhīḥ párvatāṃś ca
6.021.10a imá u tvā puruśāka prayajyo
6.021.10b jaritā́ro abhí arcanti arkaíḥ
6.021.10c śrudhī́ hávam ā́ huvató huvānó
6.021.10d ná tvā́vām̐ anyó amr̥ta tvád asti
6.021.11a nū́ ma ā́ vā́cam úpa yāhi vidvā́n
6.021.11b víśvebhiḥ sūno sahaso yájatraiḥ
6.021.11c yé agnijihvā́ r̥tasā́pa āsúr
6.021.11d yé mánuṃ cakrúr úparaṃ dásāya
6.021.12a sá no bodhi puraetā́ sugéṣu
6.021.12b utá durgéṣu pathikŕ̥d vídānaḥ
6.021.12c yé áśramāsa urávo váhiṣṭhās
6.021.12d tébhir na indra abhí vakṣi vā́jam
here follows the rest of the vedic corpus for pr̥ch
pr̥ch
1.004.04a párehi vígram ástr̥tam
1.004.04b índram pr̥chā vipaścítam
1.004.04c yás te sákhibhya ā́ váram
1.060.02a asyá śā́sur ubháyāsaḥ sacante
1.060.02b havíṣmanta uśíjo yé ca mártāḥ
1.060.02c diváś cit pū́rvo ní asādi hótā
1.060.02d āpŕ̥chiyo viśpátir vikṣú vedhā́ḥ
1.064.13a prá nū́ sá mártaḥ śávasā jánām̐ áti
1.064.13b tasthaú va ūtī́ maruto yám ā́vata
1.064.13c árvadbhir vā́jam bharate dhánā nŕ̥bhir
1.064.13d āpŕ̥chiyaṃ krátum ā́ kṣeti púṣyati
1.105.04a yajñám pr̥chāmi avamáṃ
1.105.04b sá tád dūtó ví vocati
1.105.04c kúva rtám pūrviyáṃ gatáṃ
1.105.04d kás tád bibharti nū́tano
1.105.04e vittám me asyá rodasī
1.120.02a vidvā́ṃsāv íd dúraḥ pr̥ched
1.120.02b ávidvān itthā́ áparo acetā́ḥ
1.120.02c nū́ cin nú márte ákrau
1.145.01a tám pr̥chatā sá jagāmā sá veda
1.145.01b sá cikitvā́m̐ īyate sā́ nú īyate
1.145.01c tásmin santi praśíṣas tásmin iṣṭáyaḥ
1.145.01d sá vā́jasya śávasaḥ śuṣmíṇas pátiḥ
1.145.02a tám ít pr̥chanti ná simó ví pr̥chati
1.145.02b svéneva dhī́ro mánasā yád ágrabhīt
1.145.02c ná mr̥ṣyate prathamáṃ nā́paraṃ váco
1.145.02d asyá krátvā sacate ápradr̥pitaḥ
1.161.04a cakr̥vā́ṃsa r̥bhavas tád apr̥chata
1.161.04b kuvéd abhūd yáḥ syá dūtó na ā́jagan
1.161.04c yadā́vā́khyac camasā́ñ catúraḥ kr̥tā́n
1.161.04d ā́d ít tváṣṭā gnā́su antár ní ānaje
1.164.05a pā́kaḥ pr̥chāmi mánasā́vijānan
1.164.05b devā́nām enā́ níhitā padā́ni
1.164.05c vatsé baṣkáye ádhi saptá tántūn
1.164.05d ví tatnire kaváya ótavā́ u
1.164.06a ácikitvāñ cikitúṣaś cid átra
1.164.06b kavī́n pr̥chāmi vidmáne ná vidvā́n
1.164.06c ví yás tastámbha ṣáḷ imā́ rájāṃsi
1.164.06d ajásya rūpé kím ápi svid ékam
1.164.34a pr̥chā́mi tvā páram ántam pr̥thivyā́ḥ
1.164.34b pr̥chā́mi yátra bhúvanasya nā́bhiḥ
1.164.34c pr̥chā́mi tvā vŕ̥ṣṇo áśvasya rétaḥ
1.164.34d pr̥chā́mi vācáḥ paramáṃ víoma
1.165.03a kútas tuvám indara+ mā́hinaḥ sánn
1.165.03b éko yāsi satpate kíṃ ta itthā́
1.165.03c sám pr̥chase samarāṇáḥ śubhānaír
1.165.03d vocés tán no harivo yát te asmé
2.012.05a yáṃ smā pr̥chánti kúha séti ghorám
2.012.05b utém āhur naíṣó astī́ti enam
2.012.05c só aryáḥ puṣṭī́r víja 'vā́° mināti
2.012.05d śrád asmai dhatta sá janāsa índraḥ
3.038.02a inótá pr̥cha jánimā kavīnā́m
3.038.02b manodhŕ̥taḥ sukŕ̥tas takṣata dyā́m
3.038.02c imā́ u te praṇíyo várdhamānā
3.038.02d mánovātā ádha nú dhármaṇi gman
3.054.16a nā́satyā me pitárā bandhupŕ̥chā
3.054.16b sajātíyam aśvínoś cā́ru nā́ma
3.054.16c yuváṃ hí sthó rayidaú no rayīṇā́ṃ
3.054.16d dātráṃ rakṣethe ákavair ádabdhā
4.003.08a kathā́ śárdhāya marútām r̥tā́ya
4.003.08b kathā́ sūré br̥haté pr̥chyámānaḥ
4.003.08c práti bravo áditaye turā́ya
4.003.08d sā́dhā divó jātavedaś cikitvā́n
4.005.11a r̥táṃ voce námasā pr̥chyámānas
4.005.11b távāśásā jātavedo yádīdám
4.005.11c tuvám asyá kṣayasi yád dha víśvaṃ
4.005.11d diví yád u dráviṇaṃ yát pr̥thivyā́m
4.018.02a nā́hám áto nír ayā durgáhaitát
4.018.02b tiraścátā pārśuvā́n nír gamāṇi
4.018.02c bahū́ni me ákr̥tā kártuvāni
4.018.02d yúdhyai tuvena sáṃ tuvena pr̥chai
4.018.06a etā́ arṣanti alalābhávantīr
4.018.06b r̥tā́varīr iva saṃkróśamānāḥ
4.018.06c etā́ ví pr̥cha kím idám bhananti
4.018.06d kám ā́po ádrim paridhíṃ rujanti
5.030.02a ávācacakṣam padám asya sasvár
5.030.02b ugráṃ nidhātúr ánu āyam ichán
5.030.02c ápr̥cham anyā́m̐ utá té ma āhur
5.030.02d índraṃ náro bubudhānā́ aśema
6.021.06a tám pr̥chánto ávarāsaḥ párāṇi
6.021.06b pratnā́ ta indra śrútiyā́nu yemuḥ
6.021.06c árcāmasi · vīra brahmavāho
6.021.06d yā́d evá vidmá tā́t tvā mahā́ntam
6.022.05a tám pr̥chántī vájrahastaṃ ratheṣṭhā́m
6.022.05b índraṃ vépī vákvarī yásya nū́ gī́ḥ
6.022.05c tuvigrābháṃ tuvikūrmíṃ rabhodā́m
6.022.05d gātúm iṣe nákṣate túmram ácha
7.001.23a sá márto agne suanīka revā́n
7.001.23b ámartiye yá ājuhóti havyám
7.001.23c sá devátā vasuvániṃ dadhāti
7.001.23d yáṃ sūrír arthī́ pr̥chámāna éti
7.086.03a pr̥ché tád éno varuṇa didŕ̥kṣu
7.086.03b úpo emi cikitúṣo vipŕ̥cham
7.086.03c samānám ín me kaváyaś cid āhur
7.086.03d ayáṃ ha túbhyaṃ váruṇo hr̥ṇīte
7.001.23a sá márto agne suanīka revā́n
7.001.23b ámartiye yá ājuhóti havyám
7.001.23c sá devátā vasuvániṃ dadhāti
7.001.23d yáṃ sūrír arthī́ pr̥chámāna éti
8.024.30a yát tvā pr̥chā́d ījānáḥ
8.024.30b kuhayā́ kuhayākr̥te
8.024.30c eṣó ápaśrito való
8.024.30d gomatī́m áva tiṣṭhati
8.040.03a tā́ hí mádhyam bhárāṇãm
8.040.03b indraagnī́ adhikṣitáḥ
8.040.03c tā́ u kavitvanā́ kavī́
8.040.03d pr̥chyámānā sakhīyaté
8.040.03e sáṃ dhītám aśnutaṃ narā
8.040.03f nábhantām anyaké same
8.045.04a ā́ bundáṃ vr̥trahā́ dade
8.045.04b jātáḥ pr̥chad ví mātáram
8.045.04c ká ugrā́ḥ ké ha śr̥ṇvire
8.077.01a jajñānó nú śatákratur
8.077.01b ví pr̥chad íti mātáram
8.077.01c ká ugrā́ḥ ké ha śr̥ṇvire
8.101.04a ná yáḥ sampŕ̥che ná púnar hávītave
8.101.04b ná saṃvādā́ya rámate
8.101.04c tásmān no adyá sámr̥ter uruṣyatam
8.101.04d bāhúbhyāṃ na uruṣyatam
9.070.09a pávasva soma devávītaye vŕ̥ṣā
9.070.09b índrasya hā́rdi somadhā́nam ā́ viśa
9.070.09c purā́ no bādhā́d duritā́ti pāraya
9.070.09d kṣetravíd dhí díśa ā́hā vipr̥chaté
9.089.03a siṃháṃ nasanta mádhuvo ayā́saṃ
9.089.03b hárim aruṣáṃ divó asyá pátim
9.089.03c śū́ro yutsú prathamáḥ pr̥chate gā́
9.089.03d ásya cákṣasā pári pāti ukṣā́
9.097.34a tisró vā́ca īrayati prá váhnir
9.097.34b r̥tásya dhītím bráhmaṇo manīṣā́m
9.097.34c gā́vo yanti gópatim pr̥chámānāḥ
9.097.34d sómaṃ yanti matáyo vāvaśānā́ḥ
9.097.35a sómaṃ gā́vo dhenávo vāvaśānā́ḥ
9.097.35b sómaṃ víprā matíbhiḥ pr̥chámānāḥ
9.097.35c sómaḥ sutáḥ pūyate ajyámānaḥ
9.097.35d sóme arkā́s triṣṭúbhaḥ sáṃ navante
10.034.06a sabhā́m eti kitaváḥ pr̥chámāno
10.034.06b jeṣyā́mī́ti tanúvā śū́śujānaḥ
10.034.06c akṣā́so asya ví tiranti kā́mam
10.034.06d pratidī́vne dádhata ā́ kr̥tā́ni
10.085.14a yád aśvinā pr̥chámānāv áyātaṃ
10.085.14b tricakréṇa vahatúṃ sūriyā́yāḥ
10.085.14c víśve devā́ ánu tád vām ajānan
10.085.14d putráḥ pitárāv avr̥ṇīta pūṣā